GÓP-fréttir: Söngtextar fyrir öll ættarmót

GÓP-fréttir forsíða	Ættarmóts-söngvar Textar fyrir öll ættarmót: Ættarmótið - lag Bellmans: Gamli Nói. Niðjasöngur - írska þjóðlagið: Wild Rover Hér skaltu HÆGRI-músa og velja Save-kostinn til að sækja Word-skjal þar sem textarnir eru settir upp til að prenta beggja megin á blaðið. Þeir koma sinn hvorum megin og þú skiptir svo blaðinu í tvennt! Þegar viðstaddir hafa tekið upp fjölritaða blaðið er best að lesa skýrt yfir þann texta sem syngja skal þannig að allir fylgist með. Þannig munu fleiri fylgja textanum þegar sungið er.
Ættar- mótið	Ættarmótið Texti: GÓP Við lag Bellmans: Gamli Nói - fyrir börn á öllum aldri
1	Ættarmótið, ættarmótið, einu sinni enn! Allir koma saman afskaplega gaman! Erum saman, erum saman einu sinni enn!
2	Allir koma, allir koma uppábúnir hér! Pabbi minn og mamma, afi minn og amma, vilja alltaf, vilja alltaf vaka yfir mér.
3	Margir skyldir, margir skyldir mættir eru hér: frændur mínir góðir, frænka, systir, bróðir! gleðjast allir, gleðjast allir, gleðjast yfir mér!
4	Tímar líða, tímar líða, tökum hönd í hönd! Munum ættarmótin, munum vinahótin! Tölum saman, tökum saman, treystum okkar bönd!
Niðja- söngur	Niðja-söngur Texti: GÓP Írskt þjóðlag: Wild Rover* Textinn hans Jónasar Árnasonar: Hann Mundi á sjóinn í fyrsta sinn fór ... með viðlaginu: Þá stundi Mundi: Þett'er nóg þett'er nóg! Ég þol'ekki lengur að þvælast á sjó. - er við sama lag. Í viðlags-textanum eru feitletraðir þeir sérhljóðar þar sem dvalið er með sérstakri áhersla í söngnum. Þetta þarf að útskýra fyrir söngfólkinu - og vekja athygli á að síðasta viðlagið á að syngja tvisvar.
1	Hún upp er nú runnin sú ánægjustund að erum við komin á ætternisfund við hóum og kyssum og köllum um hæl: hæ! komið nú öllsömul blessuð og sæl! -- Hér er ættarhátíð **** hér er spaugið á vör því söm er vor þátíð og söm er vor för.
2	Já, hér eru frænkur og frændur við borð og framtíðin brosir við gleðinnar orð og við erum feimin og við erum frökk og vakir í brjóstinu fortíðarþökk -- þeim sem áfram gengu **** undir ólag og kíf og alveg úr engu upp-ófu vort líf.
3	Já, hugurinn svífur á öndverða öld til afa og ömmu og áanna fjöld við lífskjörin önnur á liðinni tíð en leiftur í auga og alúðin þýð -- þegar setið var saman **** og við sögunnar hljóm - með hugarins gaman við hetjunnar óm.
4	En kynslóðir fara og koma í senn og krakkar í gær eru nú orðnir menn og þannig er fortíðin fléttuð í streng til framtíðarinnar í stúlku og dreng. -- Ymur gamla grundin **** - ómar gleði og fjör. Hér dokar nú stundin á stanslausri för!
5	Við syngjum hér ungir og aldnir sem einn því ættin á tóninn sem alltaf er hreinn og hér eru leikir og hér eru spil - og hér er að gufa upp kynslóðabil -- og við gleymum því aldrei **** að allt lífið er hnoss og grípum þann næsta - að gef´onum koss!
6	Við hér erum komin um höf og um lönd með hlýju í sinni og frændsemis bönd og erum á hátíð með yndi í lund að efla vor kynni á samverustund :,: -- eftir ættargleði **** grípum geirinn í hönd! Um allt eru leiðir - í ónumin lönd! :,:

Efst á þessa síðu * Forsíða