GÓP-fréttir: Áætlun um skólamat

GÓP-fréttir Forsíða -->	Listi Hughes, Russell og McConachy frá 1979: Undirbúningur skólamats Spurningar sem vakna - og svara þarf - þegar skólamat er undirbúið. 1 - Til hvers á að meta? 2 - Hvers vegna - og hver ætti að taka þátt? 3 - Þátttakendur 4 - Hin ýmsu hlutverk 5 - Hverjum verða niðurstöðurnar birtar? 6 - Hvað skal meta? 7 - Tiltækar aðferðir til að afla upplýsinga 8 - Viðunandi/nothæfar aðferðir til að afla upplýsinga 9 - Grunnur mats og dóma 10 - Hvað á að verða um upplýsingarnar? 11 - Skýrslur 12 - Niðurstöður 13 - Úrræði
>	Undirbúningur skólamats
1 Tilgangur markmið	Hver er tilgangur matsins? Er markmið matsins afmarkað - til dæmis: að bæta starfsandann í skólanum? Hafa þeir sem málið varðar gert sér grein fyrir markmiðum matsins og eru þau þeim að skapi? Hver er líklegur til að vera andsnúinn matinu?
2 Hvati	Hvers vegna er ráðist í þetta mat einmitt nú? Telja þeir sem málið varðar í skólanum að þörf sé fyrir þetta mat? Hver vill verða þátttakandi í matinu? Hver ætti að verða þátttakandi í matinu? Stjórnandinn? Gamalgrónir starfsmenn? Kennarar? Þeir sem hafa hagsmuna að gæta eins og foreldrar, nemendur, skólanefndarmenn? Aðrir?
3 Þátttak- endur	Hverjum er ætlað að framkvæma matið? Stjórnandanum og/eða reyndu starfsfólki? Bekkjarkennurum? Nemendum? Foreldrum? Fulltrúum útaðila s.s. ráðgjafa, meðlimum skólanefndarinnar, skólastjórnandanum, kennurum frá öðrum skólum? Nefnd sem samanstendur af aðilum sem taldir eru hér að framan? Hvernig munu hinir ýmsu þátttakendur koma að og tengjast matinu? Verður valin sú leið að mynda undirbúnings- eða stýrihóp? Er líklegt að einhver þátttakendanna líti á matið sem ógnun við sig? Hvernig er unnt að minnka sem mest hættuna á því að einhver telji matið ógnun við sig?
4 Mats- hlutverk	Um er að ræða fjölda hlutverka í matsstarfinu - og hver einstaklingur getur leikið fleiri en eitt þeirra: Matsmaður - sem safnar upplýsingum og metur og dæmir Liðkari - sem aðstoðar við mat en dæmir ekki Ráðgjafi - sem kallaður er til liðsinnis við tiltekna þætti - svo sem til að leiðbeina um framkvæmd viðtala. Er gert ráð fyrir að fengnir verði einstaklingar til slíkra starfa? Er matið skipulagt á raunhæfan hátt fyrir það fólk sem um er að ræða - sérstaklega með tilliti til: tíma - til að unnt verði að fá áreiðanlegar niðurstöður, halda áhuganum vakandi og samhæfa matið? starfsfólkið - hefur sá, sem matið hvílir mest á, tíma til að sinna því? Hver eru tímamörk matsins?
5 Birti- hópar	Hverjum verða niðurstöðurnar birtar? Hvaða aðgang að matsgögnum munu áheyrendur fá?
6 Hvað skal meta?	Hvað er ætlunin að meta? Hvort markmið skólans eru hæfileg? Að hvaða marki skólinn hefur náð markmiðum sínum? Ferli - eins og samskipti nemenda og kennara, foreldra og kennara, stjórnenda og kennara, ... ? Kennsluáætlanir? Skýrslugerð?
7 Öflun upplýs- inga	Tiltækar aðferðir eru meðal annars: Athugun - meira og minna skipuleg Viðtöl - meira og minna skipuleg Spurningalistar Skráðar athuganir og greiningar á skýrslum, skrám, samantektum og drögum Könnun á innihaldi gagna úr námsstarfi Skýrslur af óformlegum samtölum og skoðanaskiptum Margvísleg próf - bæði markmiðuð og hópmiðuð Dagbækur og sjálfsrýni Hljóð- og myndupptökur Eru viðunandi tryggingar fyrir hendi um að upplýsingarnar verði marktækar og áreiðanlegar?
8 Viðunandi aðferðir	Þær aðferðir sem nota skal verða að vera viðunandi með tilliti til: þess tíma sem verkefninu er skammtaður þess sérhæfða starfsfólks sem fengið er til starfsins þeirra einstaklinga sem ætlunin er að safna upplýsingar um.
9 Dóma- grunnur	Hver er grunnur dómanna: Hvernig er ætlunin að kanna og greina upplýsingarnar? Hvernig er ætlunin að flokka upplýsingarnar? Eru viðunandi tryggingar um áreiðanleika upplýsinganna?
10 Upplýs- ingagjöf	Hvað verður um þær upplýsingar sem safnað verður: Hver mun að lokum ráða því hverjir fái aðgang að þeim upplýsingum sem safnað hefur verið og skýrslum matsgerðarinnar? Hvaða reglur munu verða hafðar í heiðri um söfnun og miðlun þessara upplýsinga? Hver mun hafa rétt til að svara, leiðrétta og staðfesta skýrslur um viðhorf og gerðir þeirra einstaklinga og hópa sem verið var að meta? Verður öllum upplýsingunum miðlað - eða aðeins hluta þeirra?
11 Skýrslur	Hvernig verður skýrslugerð háttað? Verður matinu skilað á formi sem er ljóst og aðgengilegt fyrir þá sem það er ætlað? Er ætlunin að gera einnig grein fyrir neikvæðum hliðum á starfi skólans - og hverjum er ætlað að taka við því? Hefur þegar verið ákveðið hvenær lokaskýrslur skulu liggja fyrir? Er þörf á sinni lokaskýrslunni fyrir hvern viðtökuhóp - svo sem ein skýrsla fyrir foreldra, önnur fyrir starfsfólk skólans, þriðja fyrir ráðuneytið - og svo framvegis?
12 Niður- stöður	Er hugsanlegt að segja fyrir um jákvæðar niðurstöður úr matinu? Eru þessar niðurstöður skýrt afmarkaðar? Hvaða ráðstafanir hafa verið gerðar í því skyni að niðurstöður matsgerðarinnar styðji á viðeigandi hátt þær ákvarðanir sem ætlað er að taka í kjölfarið? Eru þátttakendur frá upphafi meðvitaðir um hugsanlegar niðurstöður? Hafa verið gerðar ráðstafanir til að gera þátttakendum grein fyrir þeim áhrifum sem matið getur haft?
13 Úrræði	Er þörf sérstakra úrræða til að betrumbæta matið? sérhæft starfsfólk? ritara-aðstoð? stjórnunaraðstoð? tæki, pappír, umslög og frímerki? starfsaðstöðu? tíma aflögu fyrir það starfsfólk sem vinnur að matinu? prentun og fjölmiðlun? tíma af hálfu foreldra og/eða nemenda? dæmi um mat í öðrum skólum? leiðbeiningar til kennara?

Efst á þessa síðu * Forsíða