Fertug 20. sept. 1997

Glæðir nýja neista í
náms og kennslu dróttir,
menntaskólameistari,
Margrét Friðriksdóttir.

Færeyskt þjóðlag:
Rasmus i Gordum

Hæ! Margrét! Hó! Margrét, í ferðagallanum
sem fórst út í heiminn frá dag-skarkalanum!
við, skarkalar, biðum við Bæjartún 9
- en barasta til þess - að umvefja þig hlýju!
Til hamingju með afmælið!
Margrét meistari!

Hæ! Margrét! Hó! Margrét, í allskonar önnum -
hér ertu í hópi með starfandi grönnum!
og með okkur tókum við mátulegt nesti
þig mæta að heiðra - með viðeigandi festi
Landið er fagurt og frítt!
Margrét meistari!

Hæ! Margrét! Hó! Margrét - og Eyvindur kæri -
sem magnið upp gleði við mörg tækifæri
við óskum að ævina eigið þið bjarta
og auðnan og dísirnar - vefj'ykkur að hjarta!
Menntaskólameistari!
Margrét meistari!