* 

Stendur hér við Heljargjá
heljarmennið, Dór.
Enginn gleymir eftir á
að hann hingað fór.

Kvöldsól landið klæðir drakt
kliðir mjúkir streyma -
ökutækjum er nú lagt
inn við Jökulheima.

Enn er ekki orðið bjart
inn við jökulrætur
Aur og steinar hitta hart
hjól í enda nætur.

Ef við erum að því spurð:
íss á hrúðri mögru
fram með Skaftá yfir urð
ofan til við Fögru.

Mildu brosi mætir það,
morgunskinið glaða.
GÓP og Gunnar eru að
athuga og vaða.