Forsíða
Ofvirknivefur
Ofvirknibók

Leiðbeiningar landlæknis til greiningaraðila
ADHD-7. mars 2012.pdf

Hér fyrir neðan eru viðmið
úr Ofvirknibókinni bls. 22 - 23.

Greining athyglisbrests með ofvirkni byggist á nákvæmri sjúkrasögu en hegðunarmatskvarðar og taugasálfræðileg próf gegna einnig mikilvægu hlutverki. Til þess að teljast einkenni um AMO þurfa þau að koma fram í mun ríkari mæli hjá viðkomandi einstaklingi heldur en hjá flestum öðrum með sambærilegan greindaraldur.

Hér fylgja greiningarviðmiðin DSM-IV (DSM-IV: ADHD Combined Type frá 1994 sem samsvarar AMO - greiningu eftir ICD-10 frá Alþjóðaheilbrigðisstofnuninni WHO) frá bandarísku geðlæknasamtökunum APA. Lögð er áhersla á að áreiðanlegar upplýsingar komi fram um að hamlandi einkenni séu til staðar við að minnsta kosti tvennar aðstæður, t.d. bæði heima og í skóla, og einkenni hafi komið fram fyrir 7 ára aldur. 

1. Hugar oft illa að smáatriðum og gerir fljótfærnislegar villur í skólaverkefnum, starfi eða öðrum athöfnum.
2. Á oft erfitt með að halda athygli vakandi við verkefni eða leiki.
3. Virðist oft ekki hlusta þegar talað er beint til hans/hennar.
4. Fylgir oft ekki fyrirmælum til enda og lýkur ekki við skólaverkefni eða skyldustörf á heimili eða vinnustað. (Hegðunin stafar ekki af mótþróa eða skilningsleysi á fyrirmælum.)
5. Á oft erfitt með að skipuleggja verkefni sín og athafnir.
6. Líkar oft illa við, forðast eða tregðast við að takast á við verkefni (t.d. heimanám og verkefni í skóla) sem krefjast mikillar beitingar hugans.
7. Týnir oft hlutum sem hann/hún þarf á að halda til verkefna sinna eða athafna t.d. leikföngum, skólaverkefnum, skriffærum, bókum eða áhöldum.
8. Truflast oft auðveldlega af utanaðkomandi áreitum.
9. Er oft gleymin(n) í athöfnum daglegs lífs.

1. Er oft mikið með hendur og fætur á hreyfingu eða iðar í sæti.
2. Yfirgefur oft sæti sitt í skólastofu eða við aðrar aðstæður þar sem ætlast er til að hann/hún sitji kyrr.
3. Hleypur oft um eða prílar óhóflega við aðstæður þar sem slíkt á ekki við.
4. Á oft erfitt með að vera hljóð(ur) við leik eða tómstundastarf.
5. Er á fleygiferð eða eins og þeytispjald.
6. Talar oft óhóflega mikið.

1. Grípur oft fram í með svari áður en spurningu er lokið.
2. Á oft erfitt með að bíða eftir að röðin komi að honum/henni. 
3. Grípur oft fram í eða ryðst inn í það sem aðrir eru að gera, t.d. samræður eða leiki. 

Ath!