| Forsíða Ofvirknivefur Ofvirknibók |
Gylfi Jón Gylfason - apríl 2002:yfirsálfræðingur og deildarstjóri sérfræðiþjónustu hjá skólaskrifstofu Reykjanesbæjar |
| Gunilla | Viltu verða betri í að
skipuleggja þig?
Dagana 9.-13. apríl var ég á norrænni ráðstefnu um ADHD. |
| Tölvan Gunilla kemur til hjálpar |
Á ráðstefnunni sat ég við
hliðina á sænskri stúlku á tvítugsaldri. Ég var varla sestur þegar
Malin kynnti sig og gaf sig á tal við mig. Hún sagðist vera með
ADHD og væri á ráðstefnunni vegna þess. Ég veitti því athygli að
hún var með á borðinu litla tölvu sem hún kallar Gunillu.
Á meðan við vorum að koma okkur fyrir í sætunum sagði Malin mér frá því að hún hefði fengið Gunillu ókeypis frá rehabiliterings-skrifstofunni (hluti af félagslega kerfinu) og hún notaði hana til að koma skipulagi á þá hluti sem hún á erfitt með að muna í daglegu lífi. Gunilla er með snertiskjá, er 10 cm breið, 20 cm löng og 1,5 cm há. Gunillu fylgir penni sem notaður er til að skrá inn upplýsingar á snertiskjáinn og ferðast á milli einstakra prógramma sem í henni eru. Í Gunillu er m.a. dagbók, tölva, ritvinnsla, símaskrá og teikniforrit. Gunilla hringir eða segir nafn Malin til að minna á það sem þarf að koma í verk á tilteknum tímum. Malin sagði mér að hún hefði átt Gunillu í tvo mánuði og að hún hefði gerbreytt lífi hennar. Sem dæmi um það sem hún notar Gunillu í má nefna að hún minnir Malin á þegar hún á að taka ritalinið sitt, getnaðarvarnir, fundi sem hún þarf að fara á og ýmislegt annað það sem hún þarf að muna. Í raun eru engin takmörk fyrir því sem hægt er að nota Gunillu í. Sem dæmi má nefna að hún sagði nafnið Malin 4 mínútum áður en næsti fyrirlestur hófst til að stoppa Malin af svo hún talaði ekki of lengi við mig! |
| Afar nytsöm |
Ég tel ástæðu til að kynna Gunillu og þá möguleika sem hún býður upp á. Hún ætti svo sannarlega að geta nýst vel sem hjálpartæki fyrir unglinga og fullorðna með ADHD sem vilja koma betra skipulagi á líf sitt frá degi til dags. |
| Hvar fæst hún? |
Ekki veit ég hvar Gunilla fæst hér á landi eða hverrar gerðar hún er, en framan á henni stóð PSION Serien. Afgreiðslumenn í tölvubúðum ættu að geta verið fólki innan handar sem áhuga hefur á að verða sér úti um svona tæki. |
| Í apríl
2002 Gylfi Jón Gylfason |
Höfundur er yfirsálfræðingur og deildarstjóri sérfræðiþjónustu hjá skólaskrifstofu Reykjanesbæjar |