GÓP-fréttir: Íslendingaslóðir við Ráðhústorgið í Kaupmannahöfn.

GÓP-fréttir Ferðadöfin Ferðatorgið	Kaupmannahöfn Íslendingaslóðir ...og - hvert skal fara með börnin? Takmarkað er það sem hér fer á eftir sem og kunnugleiki ritara. Það væri því vel þegið ef þú gætir og vildir senda fleiri eða/og ítarlegri leiðbeiningar fyrir göngumann um þessar slóðir. Þannig verður síðan nytsamari fyrir þá sem lesa hana.
Íslendinga- slóðir	Íslendingaslóðir í Kaupmannahöfn Nokkrir staðir Í nánd við Ráðhústorgið í Kaupmannahöfn eru nokkrir staðir sem Íslendingum þykir skemmtilegra að hafa séð með eigin augum í Kaupmannahafnarferð. Hægt er að slást í Íslendingagönguferð með leiðsögumanni - en einnig er unnt að ganga um þá staði sem hér eru upp taldir - til að fá smjörþef af því sem um er að ræða. Athugaðu að margar frábærar leiðbeiningar er unnt að fá um þessar slóðir - þótt hér sé aðeins bent á bók Björns Th. Björnssonar. Takmarkað er það sem hér fer á eftir sem og kunnugleiki ritara. Það væri því vel þegið ef þú gætir og vildir senda fleiri eða/og ítarlegri leiðbeiningar fyrir göngumann um þessar slóðir. Þannig verður síðan nytsamari fyrir þá sem lesa hana.
Péturs- stræti 22	Í húsinu nr. 22 við Pétursstræti andaðist Jónas Hallgrímsson. Á húsinu er grár veggskjöldur. Á hann er letrað: Den islandske digter Jonas Hallgrimsson, födt paa Gaarden Hraun i Öxnadal 16. November 1807, död i Köbenhavn 26. Mai 1845, havde her sin sidste bolig.
Frúar- kirkja	Biskupatorg, Frúarkirkja sem Torvaldsen skreytti með list sinni, m.a. gaflmyndin sem sýnir Jóhannes skírara predika í óbyggðum. Doriskar súlur, 6 að tölu, sjást fremst. Kirkjan er byggð í ný-klassískum stíl.
Há- skólinn	Stendur við Frúartorg. Yfir dyrum standa einkunnarorð skólans: Coelestum adspicit lucem = hann horfir mót himneskri birtu.
Bóka- safnið	Universitetsbibliotek stendur við Fjólustræti.
Stóra Kanúka- stræti	Engin gata í Kaupmannahöfn geymir eins mörg Íslendinga-spor og Stóra Kanúkastræti sem er vegurinn milli Gamlagarðs og háskólans.
Litla apotekið	Litla apotekið var stofnað 1720 og var vinsælust kráa. Hér voru gestir H.C.Andersen og Sören Kirkegaard.
Bóka- bruninn	Í húsi við Litla Kanúkastræti nr. 6 voru bækur Árna Magnússonar þegar bruninn mikli varð.
Sívali- turn	Gakktu upp í Sívalaturn.
Köbmager- gade	Gakktu um Köbmagergade.
Nytorv	Kongens Nytorv - þar finnurðu Hviids Vinstue.
Bred- gade	Við Bredgade er Marmarakirkjan og einnig kaþólsk kirkja þar sem Jón Sveinsson tók kaþólska trú. Við Bredgade er einnig Friðriks spítali þar sem Jónas Hallgrímsson lést.
Assisten(t)s Kirkju- garður	Því miður man ég ekki nafnið á kirkjugarðinum þar sem Jónas var jarðsettur - en nú er ræsi og niðurfall við stíginn - einmitt þar sem talið er að hann hafi verið grafinn. * Þann 14.8.2007, skrifaði Magnús Ó. Ingvarsson <[email protected]>: Heill og sæll GÓP Ég var að lesa textann þinn um Kaupmannahöfn, sem er ágætur. Íslendingar vita allt of lítið um þessa fyrrum höfuðborg sína og miðstöð mennta og fræða um aldir. En ég get frætt þig um nafn kirkjugarðsins sem þig vantar, hvar Jónas skáld og fjölmargir aðrir Íslendingar voru grafnir. Hann heitir Assistens kirkegaard. Hér á landi er haft fyrir satt og alltaf sagt og ritað Assistents kirkjugarður, en danskir hafa það á hinn veginn, þó að mér sé óskiljanlegt hvers vegna. Ég hélt nefnilega að garðurinn væri kenndur við Assistent og ætti téið þá að sjást, en þetta sýnir að líkindum bara að ég er algjör vanviti um danska málþróun. Kveðja, Mói, Magnús Ó. Ingvarsson stærðfræðikennari Keflavík
... og	... hvert skal fara með börnin? Að mestu pistill Heiðdísar [email protected] 24stundir - þriðjudaginn 27. maí 2008 - bls. 33 Pistillinn heitir: Ekki bara Tívolí sem Heiðdís þó segir að standi alltaf fyrir sínu.
Örlítið styttur pistill Heiðdísar - [email protected]	Á rigningardögum: Experimentarium er stórskemmtilegt með mörg hundruð spennandi leiktækjum fyrir litla vísindamenn. Þar má gera tilraunir eins og að búa til sápukúlur og þar er einnig ógurlegt risaeðlubúr sem áreiðanlega hittir í mark. Experimentarium er staðsett á Tuborg Havnevej 7 í Hedlerup og þangað má komast með strætó 1A frá Kongens Nytorv. Tycho Brahe Planetarium er stjörnuskoðunarmiðstöð Kaupmannahafnar og er til húsa að Gammel Kongevej 10. Frábær upplifun fyrir krakka á öllum aldri - ekki síst þrívíddarbíóið. Þegar sólin skín: Skemmtigarðurinn Bakken í suðurhluta Dyrehaven. Lestarferð þangað tekur um 20 mínútur frá aðalbrautarstöðinni til Klampenborg-lestarstöðvarinnar sem er við skógarjaðarinn. Þaðan má ganga að tívolíinu eða fá ódýrt far með hestvagni. Kongens Have nefnist fagur hallargarður umhverfis Rosenborgarhöll. Um hásumarið eru þar brúðuleikhússýningar fyrir yngstu kynslóðina alla daga nema mánudaga. Frilandsmuseet er eins konar samsuða úr Árbæjarsafni og Húsdýragarðinum. Þar er að fina gömul hús víðs vegar að úr Danmörku auk þess sem húsdýr ganga laus. Safnið er staðsett í Kongens Lyngby um 15 km frá Kaupmannahöfn.

Efst á þessa síðu * GÓP-fréttir