Tímalína GÓP
eftir bókinni Geysir á Bárðarbungu
eftir Andrés Kristjánsson
ásamt þeim Guðna Þórðarsyni, Hauki Snorrasyni og Jóni Helgasyni.
Útgefandi: Skuggsjá 1963

• Kl. 03:00 Geysir fer í loftið frá Reykjavík. Fer til London og síðan Lúxemborgar þar sem hún lendir kl 14.
• Kl. 16:30 í loftið frá Lúxemburg.
• Kl. 22:02 Flugumferðarstjórn í Reykjavík skráir móttekið skeyti með staðarákvörðun.
• Kl. 22:25 Flugumferðarstjórn fær skeyti frá Geysi sem áætlar að verða yfir Vestmannaeyjum kl. 23:10 og lenda kl. 23:30.
• Kl. 22:30 Heyrist til Geysis langt af leið - frá Papey og bæjum í Álftafirði
• Kl. 22:50 Geysir strandar í roki og kafhríð suðaustan í Bárðarbungu.

• Kl. 00:50 Flugturninn tilkynnir að Geysir er týndur. Mikil leit fer í gang. Leitað um svæði 400 km suður fyrir landið og 200 km austurfyrir og landið norður fyrir Vatnajökul - en blindhríð á Vatnajökli huldi Geysi. Alls 95 þúsund ferkílómetrar.

Um ferðahóp Einars Magnússonar, menntaskólakennara, er skrifað á bls. 60.
Þeir eru staddir suðaustur af Þórisvatni á Sprengisandsleið þegar þeir fá úr flugvél niðurfleygð tilmæli um að svipast um eftir Geysi. Leið hópsins var fyrirhuguð í víðum sveig um svæðið og þeir halda sinni áætlun í því. Þeir fara norðaustur með Ljósufjöllum að sunnanverðu og austur fyrir þau. 10 kílómetrum nær jöklinum var síðar reist hús Jöklarannsóknafélags Íslands og kallað Jökulheimar. Leið þeirra liggur síðan norðan Ljósufjalla, yfir Heljargjá, vestur fyrir Gjáfjöll og um hraunið norður að Köldukvísl og yfir hana í Illugaver. Þetta er  "leið 16" á öræfaleiðakorti Sigurjóns Rist frá 1958.
Sjá hér frásögn Einars af ferð þeirra í Árbók FÍ 1951 - á bls. 172.

• Minnsta ferðafélagið, M.F.F., er á fjórum bílum í tjöldum við Gæsavötn og heyra að einungis er óleitað í nágrenni þeirra sökum lélegra leitarskilyrða. Þeir taka svo ákvörðun um að brjótast norður til byggða og taka síðan þátt í björgunarleiðangrinum.
  Sjá hér frásögn Ásgeirs Jónssonar af ferð þeirra félaga.

Ferðaleið þeirra Einars og félaga á laugardeginum.
Þeir fara yfir mikið landsvæði. Frá Illugaveri fara þeir vestur í Sóleyjarhöfða og síðan austur í Jökuldal, Nýjadal, vestan undir Tungnafellsjökli.

Ferðaleið þeirra Einars og félaga á sunnudeginum. Þeir ganga stutt inn Nýjadal og fá á sig hríð. Aka svo í Tómasarhaga og þaðan vestur til Hofsjökuls, sem þeir sjá vel til, og svipast þar með sjónaukum eftir merkjum. Þeir fara svo suður með Hofsjökli og hafa þar erfitt færi. Gista síðan við Arnarfell.
Sjá hér frásögn Einars af ferð þeirra í Árbók FÍ 1951 - á bls. 172. 

• Kl. 13:15 heyrir Kristján Júlíusson, loftskeytmaður á Ægi, til neyðarsendingar úr gypsi-stöð Geysis: ...CIER staðarákvörðun ókunn - allir á lífi.
• Kl. 16:43 Fær flugturninn skeyti frá TF Vestfirðingi: "Höfum fundið TFRVC á Vatnajökli, allir á lífi".
  Hnit staðarins eru 64^o  36' N og 17^o 21' V.

Leit þeirra Einars og félaga á mánudeginum
"Um morguninn héldu þeir áfram vestur með Hofsjökli en um miðjan dag heyrðu þeir skýrt frá því í útvarpi að Geysir væri fundinn." Bls. 60.
Sjá hér frásögn Einars af ferð þeirra í Árbók FÍ 1951

• Kl. 18:00 Haukur Snorrason, ritstjóri Dags á Akureyri, kemur á skrifstofu flugfélagsins. Skipulagning hjálparleiðangursins er þá þegar hafin. Þar eru á fundi Kristinn Jónsson, framkvæmdastjóri Flugfélagsins á Akureyri en hann undirbjó förina fyrir hönd flugmálastjórnarinnar, og Þorsteinn Þorsteinsson, framkvæmdastjóri Ferðafélags Akureyrar sem Kristinn hafði fengið til að taka að sér fararstjórn leiðangursins.  Haukur lagar atvikin svo að hann og Eduard Sigurgeirsson ljósmyndari komast með hópnum í bíl Kristjáns P. Guðmundssonar útgerðarmanns sem boðið hafði lið sitt. Þeir verða þrír aukamenn en reynast svo leggja sitt af mörkum eins og aðrir.
• Kl. 21:00 Leiðangurinn lagður af stað - til Reykjahlíðar og gistir þar. Í hópnum voru 12 menn frá Akureyri auk þeirra þremenninga. Auk þeirra 15 voru 8 Reykvíkingar á fjórum jeppum. Jepparnir voru þá alls 9 og að auki stór vöruflutningabíll með ýmsan búnað og bensín.
  12 Akureyringar voru - með einkunnum Hauks:
  • Þorsteinn Þorsteinsson, löngu kunnur ferðamönnum fyrir forystu margra leiðangra um óbyggðir.
  • Tryggvi, sonur hans, skátaforingi á Akureyri.
  • Ólafur Jónsson, framkvæmdastjóri. Sá maður sem mest og best hefur kannað öræfin norðan Vatnajökuls.
  • Jón Sigurgeirsson, lögregluþjónn frá Helluvaði í Mývatnssveit, ágætur fjallamaður og ferðamaður sem mörgum ævistundum hefur eytt í óbyggðum.
  • Þorsteinn Svanlaugsson, bifreiðastjóri, ágætur þaulvanur ferðamaður.
  • Vignir Guðmundsson, tollvörður.
  • Sigurður Steindórsson, afgreiðslumaður.
  • Þráinn Þórhallsson, afgreiðslumaður.
  • Bragi Svanlaugsson, bifélavirki.
  • Grímur Valdimarsson, trésmíðameistari.
  • Jóhann Helgason.
  • Hólmsteinn Egilsson, bifreiðastjóri sem ók hinni miklu og þungu vörubifreið

  8 Reykvíkingar voru - með einkunnum Hauks:

  • Guðmundur Jónasson frá Völlum, hinn kunni ferðagarpur. Hann var fararstjóri og forsjá þeirra.
  • Þórarinn Björnsson var með honum í bíl, sá vaski jöklafari sem kom glaður og reifur til tjaldstaðar við Kistufell eftir 25 klukkustunda útivist á Vatnajökli.

  Aðrir leiðangursmenn úr Reykjavík voru:

  • Ásgeir Jónsson,
  • Gísli Eiríksson,
  • Sigurgeir Jónsson,
  • Magnús Sigurgeirsson,
  • Jónas Jónasson og
  • Einar Arason.

  Bls. 117: Reyndust þeir allir ágætir félagar og tókst þegar góð samvinna við þá og hélst upp frá því.

  Bls. 130 - að leiðangurslokum: Fyrr er sagt frá reykvísku fjallamönnunum sem slógust í för með okkur. Einn þeirra, Þórarinn Björnsson, hafði lengsta útivist allra á jöklinum með Bandaríkjamönnunum. Þáttur þessa fámenna hóps úr Reykjavík í björgunarleiðangrinum var glæsilegur. Þar var valinn maður í hverju rúmi. Hjálpsemi þeirra, drenglyndi og dugnaði var við brugðið í okkar hópi. Það var gott að koma í tjöldin þeirra, hlý og notaleg, og þar var margur kaffisopinn þeginn og brauð með þegar hinn flaustursbúni leiðangur Akureyringa fór að sjá fram á matarskort.

  Sjá hér frásögn Ásgeirs Jónssonar af allri ferð Reykvíkinganna sem stóð frá 9. til 22. september. Þar er meðal annars lýst - sennilega fyrstu bílferð um Vonarskarð. Þar kemur einnig fram hversu erfitt færið var norður frá Gæsavötnum til byggða en sú reynsla varð til þess að ákveðið var að fara hrauna- og sandaleiðirnar upp með Jökulsá á Fjöllum.

Fyrst hafði verið áætlað að fylgja rauðu brautinni frá Grænavatni um Dyngjufjalladal
en vegna upplýsinga Reykvíkinganna
(sjá frásögn Ásgeirs Jónssonar  um ferð Minnsta ferðafélagsins)
sem komu sunnan frá Gæsavötnum niður í Bárðardal
um blota og krap í vötnum var í Reykjahlíð ákveðið að taka bláu brautina.

• Kl. 04:++ Björgunarleiðangurinn ferðbúinn frá Reykjahlíð.
• Kl. 13:30 Flugvél flýgur yfir björgunarleiðangurinn sem þá er staddur við Vaðöldu "og virtist sækjast ferðin vel".
• Kl. 17:00 Björgunarleiðangurinn kominn að Kistufelli, vestanvert undir brún Dyngjujökuls. Jökulgangan þaðan talin um 34 km og vera 7-10 klst gangur hvora leið.
• Kl. 18:08 Skíðaflugvélin lendir við flakið af Geysi. Hálftíma síðar er ljóst að hún kemst ekki á loft.

Gönguleiðin yfir jökulinn að flaki Geysis

• Kl. 04:30 Björgunarleiðangurinn gengur af stað frá náttstað við Kistufell.
• Kl. 14:++ Björgunarleiðangurinn kemur að flaki Geysis.
• Kl. 15.++ Björgunarleiðangurinn leggur af stað til baka með áhöfnina. Tveir bíða eftir hvort skíðavélin kemst á loft.
• Kl. 16:++ Skíðavélin kemst ekki á loft og flugmennirnir leggja af stað með þeim tveimur sem beðið höfðu átekta. 
• Kl. 20:00 Gísli Eiríksson, Jóhann Helgason og Haukur Snorrason fara upp á jökulinn til móts við björgunarsveitina - til aðstoðar eftir þörfum.

• Kl. 06:00 Þórarinn Björnsson kemur með flugmennina ofan af jökli í tjaldbúðirnar. Þar með eru allir komnir niður sem flugreika urðu á Vatnajökli.
• Kl. 08:00 Koma síðustu fjórir björgunarmannanna. Á sleðanum fluttu þeir farangur sem hafði þurft að skilja eftir á leiðinni þegar taka þurfti einn bandarísku flugmannanna á sleða.
• Með birtu fóru tvær flugvélar austur til björgunarleiðangursins og tóku áhafnir beggja vélanna til Reykjavíkur.
• Kl. 11:00 Vélarnar lenda í Reykjavík.
• Síðla dags við Lindá kastar Dakotavél böggli niður til björgunarleiðangursins með þakkarbréfi til Þorsteins fararstjóra sem les það í heyranda hljóði. Þakkir frá stjórn Loftleiða.
• Björgunarsveitin komin til Akureyrar fyrir kvöldið.