Forsíða




Uppfært
14.6.2000

 Undirbúningssaga í uppröð

Aðdragandi og undirbúningur

Hvítasunnumótsins við Mývatn 9. - 11. júní 2000

Ættarvefurinn: http://www.gopfrettir.net/jakob.htm

>> Frásögn af Hvítasunnumótinu

Þátttakendalistinn

3. júní
2000		 Laugardaginn 3. júní klukkan 11 árdegis komu Guðrún Gísladóttir, Pétur Örn Pétursson og GÓP til fundar við Hildi Hálfdanardóttur heima hjá Hildi í Mávanesi 24 á Arnarnesi. Þar var litið á lokaatriði undirbúningsins og ákveðið að breyta fyrri áætlun um hópbílsferð á laugardeginum í það að við förum á eigin bílum. Áætlað var að menn mundu fara að birtast í Gamlabænum upp úr kl. 18 á föstudagskvöldinu og gert ráð fyrir að ef til vill mundu nokkrir lengja veru sína til mánudagsins. Þeir hefðu þá tækifæri til að fara saman um sveitina og sitja saman í Gamla bænum á sunnudagskvöldinu.
21. maí
2000		 Sunnudaginn 21. maí komum við Nanna Jakobsdóttir, Jón Ármann Sigurðsson, Pétur Örn Pétursson og GÓP ásamt Ellen Taylor til þeirra Hildar og Karls Karlssonar í Mávanesið. Rætt var um ýmis atriði sem ekki þóttu fullfrágengin. Í kjölfarið ræddu þau Hildur og Pétur Snæbjörnsson í Reynihlíð saman í síma og GÓP sendi út bréf Hildar með niðurstöðu þess samtals. Ákveðið var að hittast aftur laugardaginn 3. júní klukkan 11 árdegis aftur hjá Hildi oghnýta lausa enda.
6. apríl
2000		 Guðlaug Einarsdóttir, Hildur Hálfdanardóttir og Nanna Jakobsdóttir hittust hjá GÓP.

Farið var yfir áætlunina
og lögð áhersla á að gefa góðan tíma til að ættingjarnir geti verið saman og ræðst við því langt er um liðið frá því menn hittust síðast og aldrei hafa allir komist. Að þessu sinni er líka ljóst að ekki munu allir komast. Allir voru sammála um mikilvægi þess að allir reyni eins og frekast er unnt að koma til mótsins. Rætt var sérstaklega um þá sem áður hafa ekki átt auðvelt með að komast en það eru afkomendur Guðrúnar og Hálfdanar. Ekki verður auðveldara en fyrr fyrir afkomendur Guðrúnar að koma því þeir eru dreifðir um heiminn en hins vegar er mótsstaðurinn nú í námunda við afkomendur Hálfdanar

Valin matseðill:

  • (1) Rjómalöguð súpa dagsins
  • (2) Ofnsteikt lambalæri með rósmarínsósu
  • (3) Pönnukökur með rjóma og bláberjum - og kaffi - og ís fyrir börnin.
31. mars
2000		 Í afmæli GÓP hittust nokkrir ættingjar og ræddu um mótið. Lögð var áhersla á að menn hefðu samband við systkini og nákomna að hvetja til þátttöku því þetta mót er einstakur viðburður sem aldrei verður til fullnustu endurtekinn - þótt vonandi verði önnur haldin síðar.
25. mars
2000		 Guðlaug Einarsdóttir og Jón Ármann Sigurðsson hittust hjá GÓP

Farið var yfir framkvæmd ættarmótsins og fyrirkomulag atburða. Niðurstaðan birtist í dagskrárdrögunum hér fyrir ofan. Lögð mikil áhersla á að hvetja alla ættingja til að koma til mótsins. Upplýst var að Gísli Ólafur Jakobsson, í Kaupmannahöfn, verður að vera viðstaddur hjónavígslu Tómasar sonar síns í Kaupmannahöfn þessa helgi og að nánustu ættingjar Gísla, þ.e. amk afkomendur Jakobs Gíslasonar, verða þess vegna í Kaupmannahöfn þessa daga. Við því er ekkert að gera og aðrir ættingjar óska Gísla hjartanlega til hamingju með þennan gleðiatburð.

25. okt. '99 GÓP-fréttir voru sendar út til allra ættingja - sem GÓP hefur á skrá. Þar var gerð grein fyrir ættarmótinu og sagt af ýmsum nytsömum atriðum og vísað til þessarar vefsíðu.
Ágúst 1999 GÓP fór í Mývatnssveit til að skoða aðstöðu og ræða við alla þá sem reka ferðamannaþjónustu við Mývatn og leita eftir tilboðum frá þeim. Allir lofuðust til að senda tilboð en að endingu voru það aðeins hótelið í Reynihlíð og ferðamannaþjónustan í Vogum sem sendu tilboð.
18. júní
1999		 Við útför Jakobs Hallgrímssonar hittumst við, fjölmargir ættingjar, og þar var kynnt hugmyndin að ættarmóti við Mývatn dagana 9. - 11. júní 2000. Allir tóku vel í þessa hugmynd.
Vor 1999 GÓP hafði samband í Mývatnssveit og þaðan komu hugmyndir um að mótið færi fram í júnímánuði og helst nokkuð framarlega til að vera á undan ferðamannatímanum. Þetta var borið undir þá ættingja sem höfðu netföng og GÓP hafði upplýsingar um. Niðurstaðan varð sú að festa sér dagana 9. - 11. júní.

Eftir nokkrar frekari íhuganir festi GÓP þessa daga í Hótelinu í Reynihlíð. Hótelhaldarinn í Reynihlíð, Pétur Snæbjörnsson, bauð afslátt af verðum af hótelsins hálfu en mælti auk þess með því að haft væri samband við aðra þá sem tækju á móti ferðamönnum við Mývatn svo að þeir gætu einnig boðið fram sína aðstöðu.

Haust
1998		 GÓP og Hildur Hálfdanardóttir hittust til skrafs og ráðagerða um ættarmót. Nokkur netbréf höfðu milli þeirra farið með hugmyndum - svo sem um samkomu á Laugarvatni í þann mund sem 1000 ára kristnitökuafmæli verður þar haldið fyrstu helgi í júlí 2000. Þessi hugmynd hafði þróast og veðrast og þau ákváðu að setja í gang þá framkvæmd að halda ættarmót við Mývatn fyrri hluta sumars árið 2000.

Efst á þessa síðu * Forsíða