hér sækirðu prentvænt eintak á pdf-skjali
Þetta eru tvær síður sem þú skalt prenta beggja megin á blaðið.
Jólakveðjan
* 2019 * 2018 * 2017 * 2016 *
* 2015 * 2014 * 2013 * 2012 *
* 2011 * 2010 * 2009 * 2008 *
* 2007 * 2006 * 2005 * 2004 *
* 2003 * 2002 * 2001 * 2000 *
Forsíða
GÓP-frétta *
Jólakveðjan kemur hlý
kyssir hug og minni -
upp fer sólin enn á ný
eftir venju sinni.
Gleðileg jól!
og farsæl komandi ár!
Hjartans þakkir fyrir hlýjan hug
og vinsamleg samskipti.
Gísli Ólafur og Ragna Freyja
út í óvissuna ...
- -
Þórsmörkin
5. - 6. janúar 2016
Áætlun:
Föstudagur 4. jan.
undanfarar skoða færið og kynda skálann.
- -
Laugardagur 5. jan.
kl. 10 frá Hvolsvelli.
Leiðir valdar
eftir veðri
og vindum.
- -
Sunnudagur 6. jan.
kl. 11 úr Langadal.
Áætluð heimkoma
til Reykjavíkur kl. 20.
Eyðublað fyrir þátttökutilkynningu
Prentaðu út
okkar hagnýtu ferðavenjur
.
að hafa meðferðis nesti og vetrarbúnað,
sprek á eldinn
og innlegg á kvöldvökuna
Bestu kveðjur - GÓP
Jólablandan
Úr Gamanbók GÓP-frétta
>>
http://www.GOPfrettir.net/open/gamanbokin/
Guðdómlegt
Unga fólkið er orðið eins og Jesú: Það býr heima hjá sér til þrítugs og ef það gerir eitthvað þá er það kraftaverk.
Með glöðu geði
Markús minn, þú ættir ekki að vera að fjargviðrast þetta út í kerfið og bara greiða þín opinberu gjöld með glöðu geði.
Uss, Jóhannes minn, heldurðu að þeir láti það duga? Ó-nei. Þeir heimta peninga líka.
Ljósir punktar - (Krydd í tilveruna 1982-Vaka)
Ólafur Mixa, heimilislæknir, var staddur í vitjun.
Eftir að hafa rannsakað húsbóndann á heimilinu, sem lá illa haldinn í rúminu, bað hann eiginkonuna að segja við sig orð frammi á ganginum.
Maðurinn þinn lítur alls ekki vel út, segir hann.
Það finnst mér ekki heldur, segir konan, en hann er góður við börnin.
Jaa-a ...
Elsku litli drengurinn minn, hvort langar þig heldur að eignast lítinn bróður eða litla systur?
Æ, ef þú hefðir ekki of mikið fyrir því, elsku mamma mín, þá mundi mig helst langa til að eignast hvolp.
Hjá tannlækninum - (frá GGí)
Konan var svo þung á svipinn að tannlæknirinn ákvað að reyna að hressa hana ögn. Þegar hann smeygði sér í hvítu teygjuplast-hanskana sagði hann bullskrítlu um tilurð þeirra.
Veistu, sagði hann, hver nig hanskarnir eru búnir til? Hún svaraði engu og hann hélt áfram: Það er látið plast-teygjuefni í dall, svo stingur einn maður höndunum ofan í dallinn og þegar hann tekur þær upp aftur eru efnið þegar mótað í vettlingana.
Þetta virðist ekkert hreyfa við konunni. Jæja, hugsar hann. Best að drífa bara í þessu - og hefst handa.
Nokkru síðar tekur hann eftir því að konan er farin að brosa eða jafnvel hálfhlæja, sem þó er erfitt hjá tannlækni að störfum. Hann slakar á, dregur sig frá svo hún geti talað og spyr hana hvað skemmti hug hennar svo mjög.
O - það var nú sosum ekki kannski merkilegt, segir hún. Ég fór bara að hugsa um hvernig smokkar yrðu til.
Einn?
Jæja Rósa mín. Þá er ég búinn að segja þér frá því helsta sem gerðist þegar ég var í björgunarsveitinni.
Já, en, pabbi, - hinir hjálparmennirnir - af hverju gerðu þeir aldrei neitt?
Bíll stoppar á þjóðveginum og vill ekki aftur í gang. Bílstjórinn opnar húddið og horfir ráðalaus á vélbúnaðinn. Skyndilega heyrir hann sagt: Það er í blöndungnum.
Hann lítur í kringum sig en þar er engan að sjá. Hann telur sig hafa misheyrt og skoðar vélina betur. Þá heyrir hann aftur greinilega að sagt er: Það er í blöndungnum!
Hann lítur strax upp en sér ekkert kvikt nema gráan hest sem stendur þar nærri og horfir á hann.
Bílstjórinn sér að hann ræður ekki fram úr þessu og fer heim á næsta bæ til að fá hjálp. Í samtali hans við bóndann segir hann að svo undarlega hafi borið við að honum hafi heyrst einhver vera með ráðleggingar við sig en enginn verið nærri nema eitt hross í haga.
Bóndinn segir þá: Heyrðu, var það grái hesturinn?
Bílstjórinn játar því.
Þú skalt ekkert hirða um það sem hann segir. Hann hefur ekkert vit á bílum.
Heilavandi - Brain-Drain
Högni Egilsson las setningu sem honum þótti hæfa sér: I have finally discovered what is wrong with my brain:
On the left side there is nothing right,
and on the right side there is nothing left.
* * * *Góp-aðist í Gamanbók
- geði léttir mennsku -
vísast enginn eftir tók
að aðeins skilst á ensku.
úr barnablaði Morgunblaðsins 22.12.2007:
- Albanía: Gezur Krislinjden
- Brasilía: Boas Festas e Feliz Ano Novo
- Chile: Feliz Navidad
- Kína: Kung His Hsin Nien bing Chu Shen Tan (Mandarín)
- Danmörk: Glædelig Jul
- Holland: Vrolijk Kerstfeest
- England: Merry Christmas
- Esperanto: Gajan Kristnaskon
- Eistland: Ruumsaid juulup | hi
- Færeyjar: Gledhilig Jol
- Finnland: Hyvaa joulua
- Frakkland: Bon Noël
- Þýskaland: Fröhlichen Weihnachten
- Grikkland: Kala Christouyenna
- Ísland: Gleðileg jól
- Ítalía: Buone Feste Natalizie
- Latína: Natale hilare et Annum Faustum
- Litháen: Linksmu Kaledu
- Pólland: Wesolych Swiat
- Portúgal: Feliz Natal
- Serbía: Hristos se rodi
- Thailand: Sawadee Pee Mai
- Úkraína: Srozhdestvom Kristovym
- Vietnam: Chung Mung Giang Sinh